Çexiya məhz Avropada təhsil almaq istəyən tələbələrin üz tutduğu ölkələrin başında gəlir. Çexiyada 26 dövlət, 30 özəl universitet fəaliyyət göstərir. Brno Masaryk Universiteti, Olomouc Palacky Universiteti, Charles Charles Universiteti bu ölkənin prestijli universitetlərindəndir. Çexiyada təhsil əsasən çex və ingilis dillərində tədris olunur. Buradakı özəl universitetlər dövlət universitetlərinə nisbətdə daha nüfuzludur.
Çexiyada təhsil almaq üçün bakalavr səviyyəsi üzrə orta təhsil və dil sertifikatı, magistratura pilləsi üzrə ali təhsil və dil sertifikatı lazımdır. Bakalavr təhsili 3-4 il, magistratura təhsili 1-3 il təşkil edir. Çexiyada təhsil haqqı o qədər də yüksək deyildir. Dövlət universitetlərində çex dilində təhsil isə tamamilə ödənişsizdir. İngilis dilində təhsil isə illik 400-650 USD arasında dəyişir.
Çexiyada təhsil almaq tələbələrə bir çox imkanlar vəd edir. Məzun olan tələbələrə 2 il müddətində Avropa Birliyinə daxil olan digər ölkələrdə işləmək izni verilir. Bundan əlavə Çexiya Şengen zonası ölkəsi olduğuna görə tələbələrə digər Şengen ölkələrinə vizasız səyahət imkanı verilir. Çexiyada təhsil alan tələbələrin dediklərindən bu nəticəyə gəlmək olar ki, bu ölkədə yaşayış xərcləri də digər ölkələrə görə ucuzdur. Aylıq 350-700$ arasında dəyişir ki, bura qalmaq,yemək,nəqliyyat xərcləri daxildir.
Çexiya haqqında ətraflı məlumat aşağıdakı linkdə mövcuddur.
